එක්සයිස් කරන්න හොඳම වෙලාව

ඩිස්ක්ලෙයිමර් එක:

පවුලේ සැම එකට හිඳ නැරඹීමට යෑමෙන් විවිධ අපහසුතා පැන නැගීමට ඉඩ ඇතිබැවින් . . .  "චික් මූ" යනුවෙන් පසුව දොස් පැවරීමෙන් වලකින්න.

ඩිස්ක්ලෙයිමර් දෙක:

මේක පට්ට පරන ඩ්‍රාෆ්ට් එකක තිබූ කතාවකි.  මියුරුගේ සහ ඔබාගේ පට්ට පරණ පෝස්ට්වලට ලිංක් තිබෙන්නේ එම නිසාය

http://goo.gl/IOpyNr

ජීවානුහරනය

http://princedante.blogspot.com/2007/08/dick-on-fire.html

ටික කාලයකට කලින් නුගේගොඩ හිටපු ප්‍රසිද්දම චරිත දෙකක් තමයි *** ඇන්ටියි, මංජුයි (මෙතනින් එහාට ඇන්ටි කියල විතරක් හඳුන්වන්නං). දෙන්න අම්මයි දුවයි. නුගේගොඩ, කෝට්ටෙ පැත්තෙ මේ දෙන්නගෙ කීර්තිය පතල වෙලා තිබුනෙ ට්‍රේනිං කොලේජ් එක සහ පොදු ප්‍රවාහන සේවය කියන නම් වලිං. ඒ තත්වෙට එන්න දෙන්න, විශේශයෙන් ඇන්ටි ගොඩක් මහන්සි උනා. කොච්චර මහන්සි උනාද කියනව නං, අංකල් එල්ලිල මැරුන, ලොකු පුතා මානසික රෝගියෙක් උනා, පොඩි පුතා මම දන්න විදියට තාම හිරේ, අන්තිමටම ඇන්ටි ගිනි තියාගන මැරුන.

කැඩෙන පුවත් . . . . .

නුගේගොඩ කොහුවල ප්‍රදේශයේ මේ අවස්තාව වනවිට සිදුවෙමින් තිබෙන ගුජුප්සාජනක සිදුවීම් මාලාවක් නිසා ප්‍රදේශ වාසී කාන්තාවන් සහ එදිනෙදා අවශ්්‍යතා සඳහා නගරය කරා පැමිනි කාන්තාවන් විශාල පිරිසක් ඉතා අපහසුවට ලක්වී හිස් හැරුනු අතේ දිවයමින් සිටී.
ලිඳ ලඟ සංගමය විශේශ පුවත් වාර්තාකරු ඕ. මැන්ටල් ගෙන එන විශේශ වාර්තාවට අපි දැන් යොමු වෙමු . . . .


ආයුබෝවන් . . . . අද දින කොහුවල ප්‍රදේශයේ සිදුවෙමින් පවත්නා මහා කාන්තා දිවීමට හේතුවී ඇති "නිරුවතින් නගරය පුරා සැරි සරන" බඩ මහත කලු පැහැති පුද්ගලයා අත් අඩංගුවට ගැනීමට විශේශ පොලිස් මෙහෙයුමක් කොහුවල, කිරුලපන සහ මිරිහාන පොලීසි එක්ව දියත් කරමින් සිටී. 
මේ සා විශාල ප්‍රමානයක් කාන්තාවන් බියෙන් මුසපත් කිරීමට සමත් වූ මේ බඩ මහත කාලවර්න පුද්ගලයා කවුරුන් ද . . . ??? ඔහු මෙසේ නිරුවතින් නගරය පුරා සැරි සැරීමට හේතුව කුමක්ද  ???? යන ප්‍රශ්න වලට පිලිතුරු විමට ප්‍රදේශය භාර සහකාර පොලිස් අදිකාරී තුමන් ගෙන් අප විමසා සිටියා . . . 


ස.පො.අ.: දැනට අපිට ලැබී තියන ආරංචි වල ආකාරයට මේ පුද්ගලයා මීට ටික වෙලාවකට කලින් ඩුබායි සිට ලංකාවට ගුවන් මගින් පැමිනි "කට කහන දුමී" නැමැති දෙදරු පියෙක්. මේ ආකාරයට නිරුවතින් පාර පුරා දිවයාමට හේතුව ලෙස බුද්ධි අංශ විසින් සොයාගෙන තිබෙනව . . . .  ඩුබායි හිදී මොහුගේ මිතුරෙක් වන දුකා නැමැත්තා විසින් අන්තර්ජාලය හරහා කරන ලද හෙලිදරවුවක් හේතුවෙන් මේ පුද්ගලයා සමග උරනවූ මොහුගේ බිරිඳ මොහු සතු කිසිම ඇඳුමක් නොදී ඇඳිවතින් පමනක් මේ පුද්ගලයාව ලංකාවට පිටත් කර එවා ඇති බව. 


වාර්තාකරු: ඔබ තුමාට යම් පැහැදිලි කිරීමක් කරන්න පුලුවන්ද  . . . .  මෙතරම් කාන්තා බිය වැද්දීමක් සිදුකල මේ කට කහන දුමී නැමැත්තා තවමත් අත් අඩංගුවට නොගැනීමට හේතුව???


ස.පො.අ: ඔවු . . . . මේ පුද්ගලයා අත් අඩංගුවට ගැනීමට නම් පැහැදිලිවම ඔප්පු කලයුතුයි මොහු නිරුවතින් සැරි සරන බව . . . . මේ පුද්ගලයාගේ ඉදිරියට නෙරා ආ බඩ හේතුවෙන් ඔහුගේ නිරුවත වැසී ඇති බැවින් මොහු නිරුවතින් සිටිනවා කියා කිසිවෙකුට පැහැදිලිව ප්‍රකාශ කිරීමට නොහැකි තත්වයක් තමයි දැන් උද්ගතවී තියෙන්නෙ.


වාර්තාකරු: මෙතරම් වේලාවක් නගර වාසී කාන්තාවන් භීතියට ලක් කල මේ පුද්ගලයා සම්භන්දයෙන් කුමක්ද ගැනීමට බලාපොරොත්තුවන පියවර ???


ස.පො.අ: අපි දැනට මේ පුද්ගලයා කොහුවල පොලීසිය අසල චීන අවන්හලක රඳවාගෙන සිටින අතර ඉදිරියට ගතයුතු පියවර මොනවාදැයි ආරක්ෂක අමාත්්‍යාංශ ලේකම් තුමා සහ ආරක්ෂක ලේකම් තුමා සමග සාකච්චා කිරීමට බලාපොරොත්තු වෙනවා.


වාර්තාකරු: ස්තුතියි.
කොහුවල නගරයට ‍රැස්වූ විශේෂ පොලිස් කන්ඩායම් විසින් මේ පුද්ගලයා චීන අවන්හලක රඳවා විශේශ බීර වර්ගයක් පානය කිරීමට සලස්වා ඇති බැවින් නගරයේ තත්වය යම් තරමකට සාමාන්්‍ය තත්වයට හැරෙමින් පවතී.  දැන් අපි යොමු වෙමු නැවතත් ප්‍රදාන පාලක මැදිරියට. මම ලිඳ ලඟ පුවත් සේවය වෙනුවෙන් . . . . . ඕ. මැන්ටල්

පලා ගන්නවද ?

මට ඉන්දිකගෙ සැහැල්ලුවෙ තිබුන "තන අතරින් ගිය වතුර" පෝස්ට් එක කියවද්දි නිකමට වගේ මතක් උන කතාවක් . . . . .

(පිංතූරෙ ගත්තෙ http://sunitabhuyan.com/?p=4239 එකෙං . . . .  ඒ නංගිට "ටැංකිවු")

අපේ ගෙදරට ඉස්සරහ ගෙදර බෝඩිං වෙලා ඉන්නව වයස අවුරුදු 40ක් විතර වෙන අවිවාහක ගෑනු කෙනෙක්. නම තිලක කියල කියමුකො දැනට. තිලක ඇතුලු ඒ බෝඩිමේ ඉන්න ගෑනු ලමයි ටික (තිලකත් වයසට ගියාට ගෑනු ලමයෙක් තමයි . . .) නාන්නෙ අපේ ගෙදරත් බෝඩිමත් අතර තියන (ඔවු ඔවු . . .  අපේ බැල්කනියෙං එබුනාම හොඳටම පේනව) ලි‍ඳෙං. ඉරිද දවස කියන්නෙ තිලක උදේ හය හමාරට විතර දියරෙද්ද ඇඳං ලිඳ ගාවට ගිහිං දහයට විතර නාගන්නකං අනිත් කෙල්ලන්ට තෙල බෙදන දවස . . . . 
දවසක් ඔය සුපුරුදු රූටිං එක යනව . . . .


- කෙල්ලො ටික නානව . . . .
- තිලක තෙල බෙදනව . . . . .
- මම බැල්කනියෙ පු‍ටුවක් තියාගෙන පොතක් කියවනව . . . . .


ඔය අතරෙ ඔතනින් යන්න ආව අපේ පැත්තෙ ගෙදරින් ගෙදරට ගිහිං පලා ජාති විකුනන ගෑනු මනුස්සය . . . . පලා ජාති පුරෝපු හෙන බෑග් එකකුත් ඔලුවෙ තියාන . . . . . ගෑනි දැක්ක ලිඳගාව මහිලා සමිතියෙ මහා සභාව ‍රැස්වෙලා ඉන්නව . . .  ගමන නවත්තපු මේ පලා ඇන්ටි, පාරෙ ඉඳංම තිලකගේං මහ හයියෙං ඇහුව . . . . 


පලා ඇන්ටි: නෝනා . . . .  පලා ගන්නවද . . . . ????


තිලක:  පලාගන්න තිබුන අවුරුදු දහයකට විතර කලිං ඇහුවනං .. .  දැං වයස වැඩී. . . .!!!!


පලා ඇන්ටි: (*^&^^&%(*(_)_*&(&^%$#@$
මම: (^%$%$#^&$%$#^&&*) .......!!!!

අල්ලපු ගෙදර ලිඳ බැල්කනියේ සිටින මට පෙනෙන හැටි (ඡායාරූපය: මගෙමයි)

තොරනට නමක් ?

(තොරනට සාදර අනුග්‍රහය . . . http://www.panoramio.com/user/3214161?with_photo_id=22479395ගෙනි)

පහුගිය දවසක පසන් එක්ක මාලඹේ තොරන බලද්දි මතක් උන කතාවක් . . .  
මේ සිද්දිය උනේ 1988දි විතර . . . තිලක් අයිය කියන්නෙ මගෙ ගමට අල්ලපු ගමේ මට වඩා අවුරුදු 5ක් විතර වැඩිමල් කොල්ලෙක්.  තිලක් අයියගෙ ගෙදර තියෙන්නෙ තිරගම (බුවාගෙ ගමේ නම) හන්දියටම වෙන්න බෝගමුව මතව පාරෙ. 
එක වෙසක් එකකට තිලක් අයිය හෙන මහන්සිවෙලා තොරනක් හැදුව වෙසක් කාඩ් වලිං. ලස්සන පාට පාට බල්බ් සෙට් එකක් හෙම දාපු මේ තොරං රාජයා තිලක් අයියටත් වඩා ටිකක් විතර උසයි . . . .
වෙසක් දවස කිට්‍ටු වෙනකොට මහා තොරං රාජයගෙ සියලුම වැඩ කටයුතු අහවරයි . . .  එකක් ඇර . . . .   

"තොරනට නමක් ?????"

දැං තිලක් අයිය හම්බවෙන හැම එකාගෙංම අහන්නෙ "තොරනට නමක් කියපංකො මචං" කියල . . . .
දවසක් තිලක් අයියගෙ ඉස්කෝලෙ (මගෙ ඉස්කෝලෙත් ඒකමයි . . . තිරගම මහා විද්යාලය) යාලුවෙක් නමක් යෝජනා කලා . . . .  හතර පෝයටම සිල් ගන්න උපාසක මහත්තයෙක් උන තිලක් අයිය ජීවිතේටම අහල නැති ජාතක කතාවක් නමක් . . . . .


බුවා දැං පස්වනක් ප්‍රීතියෙං පිනා ගිහිල්ල කාටවත් පේන්නෙ නැතුව කාමරේ දොර ජනෙලුත් වහගෙන බෝඩ් එකක නම අඳිනව . . .  වැඩේ සම්පූර්නයි . . .


වෙසක් දවසෙ මහා ජනකායක් මැද්දෙ තොරන මහජන ප්‍රදර්ශනයට විවුර්ත කලා . . . . . . 

තොරනෙ නම දැක්ක විතරයි . . . .

ගමේ සෙට් එකට හිනාව නවත්තගන්න බෑ . . . . . පංසලේ නායක හාමුදුරුවො (බෝගම්මන රතනසාර හාමුදුරුවො) වටාපතින් මූන වහගෙන ආපහු පන්සල පැත්තට වැඩිය . . . . .
තොරනෙ නම . . . .
                                         

"මහා ටෙඹ ටෙඹ ජාතකය"

ගුටි

දෙන්නෙක් අත් දෙකෙං අල්ලං ඉඳිද්දි බොක්සිං කරපු එවුං තුන්දෙනෙක් මාරුවෙං මාරුවට මූන කට පුරෝල නෙලනකොට සනීපෙ කොහොමට තියෙයිද . . . . ????
දිනය: හරියටම මතක නැත. ඒත් අවුරුද්ද 1995
ස්තානය: කෝට්ටේ ශා. ජෝන් විද්යාලයේ තාප්පය අයිනේ ඉශරා එකේ ගේට්‍ටුව ඉස්සරහ තියන ලයිට් කනුව යට.
ගතවූ කාලය: ආසන්න වශයෙන් විනාඩි 15යි
කතාව:
මම කලිං දාපු "තාත්තෙ . . . .  මෙයා ඕනෙ" කතාවට ශාස්ත්‍රාලෙ මගෙත් එක්ක ගෙනගත්ත ඉබ්බා, ඇනොනිමස් විදියට ඇවිල්ල කරපු ඉල්ලීමක් ඉ‍ටු කරන එක තමයි මේ කරන්නෙ.
තුසිත කියන්නෙ අපේ පංතියම හිටපු එකෙක්. ඌ ඒ දවස්වලම ටිකක් අප්සෙට් ට්‍රැක් එකක තමයි දිවුවෙ. තුසිතය ඇතුලු උගෙ ගැංසියට මගෙත් එක්ක පොඩි (පොඩි කිවුවට පොඩිම නෙමේ) ඔරොප්පුවක් තිබුන නුගේගොඩ ඇල්ෆා එකේදි අපේ පංතියෙ හිටපු බඩාගෙ පොඩි පහේ ගෑනු පටලැවිල්ලක් නිසා. මුං සෙට් එක ඒ වෙනකොටත් මට දෙපාරක් විතර ගහන්න සෙට් උනා නුගේගොඩදි., මම ඉතිං දස්සයනෙ . . . .  මම කොහොමහරි කට් එක දාගෙන හිටිය.
ඒ මහ කරුමක්කාර දවස තමයි කෝට්ටෙ සෙන් ‍තෝමස් එකේ ස්පෝට්ස් මීට් එක. මම ඒ පැත්ත පලාතක නොගිහිං ඉන්න හැදුවත් චන්දනයයි (ඇත්ත නමනෙමේ) සුදුවයි නිසා යන්නම උනා. මොකද උං දෙන්නම ට්‍රයි කරන කෙල්ල් දෙන්නම සෙන් ‍තෝමස් එකේ කෙල්ලො දෙන්නෙක් නිසා. චන්දනය බැස්සෙ ලහිරුට (ඇත්ත නම නෙමේ). සුදුව බැස්සෙ ශශීට. මමතුමා ඉතිං සුපුරුදු පරිදි මී ඇන්ඩ් මයි සෙලෆ් තමයි. චන්ඩි වගේ ස්පෝට්ස් මීට් එකට යන්න සෙට් උනාට මොකද  . . . . ඉස්කෝලෙ ගේට්‍ටුවෙං ඇතුලට ගන්නෙ ඉස්කෝලෙ එවුං විතරයි. පිට ඉස්කෝලවල එවුං එනවට ගේට්‍ටුව ගාවට පොලීසියයි පිටිං එන එවුං අඳුනගන්න ඉස්කෝලෙ ප්‍රිෆෙක්ට්ස්ල කීප දෙනෙකුයි දාල හිටිය. පිට ඉස්කෝලවල එවුං උනාට උංගෙ යාලුවන්ට ඇතුලට රිංගන්න චාන්ස් එක තියනව. අපිට ඒකත් නෑ. හේතුව ශශීට ට්‍රයි කරපු එකෙකුත් එතන හිටපු නිසා. ඉතිං අපි තුන්දෙනාට තිබුනෙ එකම විකල්ප මාර්ගයයි. ඉශාරා එකේ ගේට්‍ටුව ඉස්සරහ තියන ලයිට් කනුව දිගේ සෙන් ‍තෝමස් එකේ තාප්පෙට නැගල ඇතුලට පනින එක. කෙල්ලො දෙන්න කලිංම තාප්පෙ අනිත් පැත්තට ඇවිත් හිටිය කලිංම කතාකරගත්ත විදියට. චන්දන ඉස්සෙල්ලම ලයිට් කනුව දිගේ නැගල තාප්පෙන් පැන්න. ඊලඟට සුදුව . . .  අන්තිමටම මම නැග්ග ලයිට් කනුව දිගේ එල්ලුනා තාප්පෙ . . . . එතනින් එහාට යන්න බෑ . . .  කකුල නිකං මොකක හරි හිරවෙලා වගේ . . .  ඇද්දට ඇද්දට එන්නෙ නෑ . . . . බැලුව පහල හැරිල . . . . දැක්ක දර්ශනෙං මගේ ඇඟේ මයිල් ටික නිකං බකට් කම්බි වගේ කෙලිං හිටිය . . . . පපුව සීතල වෙලා ගියා නිකං පලවෙනි පාරට මැටහෝන් එකක් ඇද්ද දවසෙ වගේ . . . . .
මොකද්ද මම දැක්ක ඒ හිත සසල කරවන දර්ශනය . . . . ??? පහලට වෙලා මගෙ කකුලෙං අල්ලං ඉන්නව මං වගේ දෙක හමාරක් විතර එකෙක් . . .  මූන කචල් (ඒක තමා උගෙ කාඩ් එක). මූන කචල්ගෙ දෙපැත්තෙ ඉන්නව ලවු කොටයි (තුසිතය), මන්ද බුද්දිකයයි තව ඉස්කෝලෙ බොක්සිං සෙට් එකේ පස් හය දෙනෙකුයි.
මම: කචල්  ඇයි මචං ???
කචල්: බැහැපං **** පු‍තෝ පහලට . . . !!!
මම : අනේ මචං . . .  මට එහා පැත්තට යන්න ඕනෙ . . .  අනිත් එවුං ටික එහා පැත්තෙ බලාගෙන ඉන්නව . . . .
ලවු කොටා: උං හිටපුදෙං . . .  උඹ බහිනවද ??? අපි බස්සන්නද ?
මම: හරි හරි හිටපං
මම කියල ඉතිං වෙන මොනා කරන්නද බහිනව ඇර . . .  නැගපු විදියටම බැස්ස . . . .
මම: ඇයි මචං ???
කොටා: ඇයි ?????
ඒ ටික තමයි සෙග්මන්ට් එකේ අන්තිම  ඩයලොග් එක . . . . .
මට ඊට පස්සෙ මතක මුලිංම වගේ බඩ මැද්දට වැදුන පාරට නැමුන මම ආයෙත් කෙලිං වෙද්දි දෙන්නෙක් මගෙ අත් දෙකෙං දෙපැත්තට ඇදල අල්ලගන ලයිට් කනුවට හේත්තු කරගන්නව සහ මිට මොලවපු කොටාගෙ අත හිතාගන්නවත් බැරි වේගෙකිං මගෙ මූන දිහාවට එනව විතරයි. මම ඇස් දෙක තද කරල පියාගත්ත ඕනෙ පු*ක් සත පනහයි කියල.
වැඩේ විනාඩි පහලවක් විතර කෙටි කාලයකිං ඉවර උනා මයෙ හිතේ . . . . පස්සෙ ලයිට් කනුව යට වැටිල හිටපු මාව ඉශාර එකේ වැඩ කරන කොල්ලො සෙට් එක ඇවිල්ල නැගිට්ටවල . . .  වතුර එහෙම පොවල ගෙදර පිටත් කලා.

වැලන්ටයින්

බෝඩිං කතා සීරීස් එකක් පටං ගන්න කොනක් නැතුව ඉඳිද්දි තමයි වැලන්ටයින් නොහොත් වැලා මතකෙට ආවෙ. වැලාගෙ එකකින්ම පටං ගත්ත නං හරි කියල හිතුන. 
අපි කැම්පස් යන අන්තිම කාලෙ නතරවෙලා හිටියෙ මට්ටක්කුලියෙ වැලි තො‍ටුපලට යන පාරෙ වත්තක ගෙයක් කුලියට අරං. පාරෙන් ටිකක් ඇතුලට වෙන්න තමයි තිබුනෙ මාර නිදහස් තැන. 
මේ බෝඩිමේ කස්ටියට තිබුන ලොකුම නිදහස තමයි කෙල්ලව බය නැතිව එක්කගෙන එන්න පුලුවං වීම . . .  
සාමාන්ය මෙතඩ් එක තමයි ඒ වගේ මංගල කරුනක් යෙදෙද්දි බෝඩිමේ අනිත් එවුංට කලිං දැනුම් දෙනව මෙන්න මේ දිනයේ, මේ වේලාවන් තුල බෝඩිම පැත්ත පලාතකවත් එන්න එපා කියන එක.


වැලාට හිටියෙ ඉස්කෝලෙ යන කාලෙම ගහපු කොක්කක් නෙ. මැචිං ජෝඩුව . . . .  වැලා කලුම කලුයි . . . . කෙල්ල සුදුම සුදුයි . . . .  ජෝඩුව නිකං රං තැඹිලි ගෙඩියෙ කාක්ක වැහුව වගේ තමයි එක ලඟ ඉඳිද්දි.
මේ කියන දවස් වල වැලාගෙ කෙල්ල විද්යා පීඨෙ ඉගෙනගන්නව. 


දවසක් වැලා බෝඩිං වැසියො අමතල නිවේදනයක් කලා "හෙට උදේ තොපි එකෙක්වත් කැම්පස් ගියාට පස්සෙ ආපහු බෝඩිම පැත්ත පලාතක එනව නෙමෙයි . . . .  මට වැඩ වගයක් තියනව"


කට්ටියම දොහොත් මුදුන් දීල පිලිගත්ත. හැබැයි අවාසනාවකට වගේ එකෙක් එදා හිටියෙ නෑ බී. ඇම්. බාලා නොහොත් පෙත්තප්පු k. බුවා එදා ගෙදර ගිහිං.
අදාල දිනයට එලි උනැයි කියමුකො . .  . . කස්ටියම බෝඩිමෙං පිට උනාට පස්සෙ වැලා හෙමීට කෙල්ලත් එක්ක සේන්දු වෙනව බෝඩිමට. ඒ සීන් එක එච්චරයි . . . .  


මෙතනින් එහාට බාල කියන විදියට . . . . . .
                   වැලයි කෙල්ලයි බෝඩිමට ඇවිල්ල ටික වෙලාවකින් මෙලෝ හසරක් නොදන්න බාල මල්ලිත් ගෙදර ඉඳං කෙලිංම බෝඩිමට එනව. දෙයියනේ . . . . . . . . බාල දකින දර්ශනෙන් බාලගෙ  බාපු නැති මයිල් ඔක්කොම බකට් කම්බි වගේ කෙලිං වෙනව . . . . 


වැලාගෙ මුලු ඇඟටම මේස් බැනියමක් විතරයි . . . . කෙල්ල එහෙමත් නෑ . . . . . දෙන්න ඇඳ උඩට වෙලා ඉඳිආප්ප කනව. කනව කිවුවට කනවම නෙමේ . . . .  වැලා කෙල්ලට කවනව . . . .  


බාල කාමරේ දොරකඩට වෙලා උගුර පාදන සද්දෙට තමා ජෝඩුව මේ ලෝකෙට එන්නෙ. වැලා එක පිම්මට පනිනව කාමරෙං එලියට බාලවත් ඇදං. 


වැලා: ‍තෝ මොකටද හු*** පු‍තෝ මේ වෙලාවට ආවෙ . . . . ???
බාලා: (සුපුරුදු මෝඩ පහේ ටෝන් එකෙං) ඉතිං අයියෙ මම දන්නෙ නෑ නෙ අයිය ඉන්න බව . . . . .
වැලා: හ්ම් . . .  ඒකත් එහෙමද . . .  පල එහෙනං තොගෙ කාමරේට . . . .ගෙනාපුව තියල ඉක්මනට එලියට බැහු මගෙ යකා අවුස්සගන්නෙ නැතුව . . . .
බාලා: හා අයියෙ . . . .


බාලා උගෙ කාමරේට යයි . . . .  වැලා උගෙ කාමරේට යයි . . . . .
ටිකකිං කාමරේ සිට . . . . .


වැලා: බාලා . . .  ‍තෝ යන්නෙ නැද්ද ???
බාලා: තව ටිකකිං යනව අයියෙ . . .  මට ටිකක් බඩගිනී වගේ . . . . .
වැලා: ඉඳා එහෙනං මේක කාපිය . . . .


වැලා කෙල්ලට කවමින් හිටි ඉඳි ආප්ප ටික බාලට කන්න දෙයි . . . . 
ටිකකින් කාමරේ සිට . . . . . 


වැලා: ඒයි ‍තෝ යන්නෙ නැද්ද ???
බාලා: යන්න ඕනෙ අයියෙ . . . .  මට ටිකක් තිබහයි . .  . . .  මොනව හරි බොන්න තිබුන නං . . . 
වැලා: ඉඳකිය ‍තෝ . . . .  හි‍ටු 


වැලා ඇඳං හිටි ඇඳුමෙංම බෝඩිම පිටිපස්සේ තිබුන පැල කුරුම්බා ගහට නැග බාලාට කුරුම්බා ගෙඩියක් කඩා දෙයි . . . . . . 
ටිකකින් කාමරේ සිට . . . . .


වැලා: යකෝ ‍තෝ යන්නෙ නැද්ද ????
බාලා: මේ යනව අයියෙ . . . . 


බාලා මාරු වෙයි . . . . . 


නියමම වැඩේ වෙන්නෙ පහුවදා . . . . .


අපි සෙට් එකයි (මම, හූනා, ධනා, කිරා, සඳා, බාලා . . . .  බ්ලා බ්ලා) ජූනියර් බැච් එකේ සෙට් එකකුයි චැටක් දාගෙන ඉන්නව . . . .  
මෙන්න ටිකකින් වැලා එනව කෙල්ලත් එක්ක  . . . . .  කට්ටිය ඉන්න තැනට ඇවිත් වැලා කෙල්ලට කට්ටිය අදුන්නල දෙනව . . . . 


වැලා: මේ තමයි කිරා . . .  මේ ඉන්නෙ සඳා . . . . . මේ ඉන්නෙ ඕනයා . . . . 


ඔහොම කට්ටියවම අඳුන්වල දීල අන්තිමට බාල ලඟට ආව . . . .  


වැලා: මේ තමයි බාල . . . .  ඔයාට මතකනෙ . . . අපිට ඊයෙ හම්බ උනේ . . . .
කෙල්ල: ආ හරි හරි  . . .  මතකයි . . . 
බාලා: (සුපුරුදු මෝඩපහේ අහිංසක ටෝන් එකෙන්) ආ මේ අක්කද ???? අනේ සොරි අක්කෙ . . .  මට අක්ක ඇඳුං ඇඳල හිංද එක පාරටම අඳුනගන්න බැරි උනා . . . 


වැලා: *&*%^&%&(&*^^%&**^$%% . . . . . .!!!!!

තාත්තෙ . . . . මෙයා ඕනෙ . . . . ! ! !

කෙල්ලගෙ අම්මා:   අපේ දුවගෙ සම්බන්දයක් තියනවනෙ කැම්පස් එකේම පිරිමි ළමයෙක් එක්ක.
කෙල්ලගෙ තාත්තා: කවුද ඔය කියන හාදයා ?
කෙල්ලගෙ අම්මා:   ඇයි අනේ අර ධම්මික පුතාගෙ තාත්තගෙ මලගෙදර වෙලාවෙ ඔයත් එක්ක ඇවිත් කතා
                               කලේ ???
කෙල්ලගෙ තාත්තා: ආ . . . ඔය කියන්නෙ අර "කලු, හීනි, උස හාදය" නේද . . .??? කමක් නෑ . . . දුව කැමති 
                               නං පිලිවෙලක් කරල දෙමු.
කෙල්ලගෙ අම්මා:   ඒ කවුද ??? 
කෙල්ලගෙ තාත්තා: ඇයි දුව අපි දෙන්න ලඟට එක්කං ඇවිත් කිවුවෙ "තාත්තෙ මෙයා ඕනෙ" කියල . . . මම 
                               හිතුවෙ දුව ඒ කොලුවව ඕනෙ කිවුව කියල . . .


ඔය දෙබස සිද්ද උනේ අපේ සඳාලැයි අම්ම තාත්ත අතර . . .  සඳා ඒ වෙනකොට යාලු වෙලා හිටි කිරා ගැන අම්ම, තාත්තට කියන්න ගිය වෙලාවෙ. 


ධම්මික නොහොත් "ඇටිය" කියන්නෙ කිරා එක්ක එක බැච් එකේ හිටපු ඉංජෙක්. ඇටියගෙ වාස භවන තියෙන්නෙ සඳාලගෙ ගෙදරට ටිකක් කිට්‍ටුවෙං. දවසක් අපිට පනිවිඩයක් ආව ඇටියගෙ තාත්ත මිය පරලොව ගිය විත්තිය. අපි හැමෝම ඉතාමත් දුකට පත්වෙලා ඒ මොහොතෙම වගේ නිට්ටඹුව බලා ගමන් කලා. මලගෙයක් උනාම කකා බිබී ඉඳල විතරක් හරියන්නෙ නෑ නෙව . . . ඉතිං අපි කස්ටිය ඔය පොඩි පොඩි වැඩ වල යෙදිල ඉඳිද්දි තමා සඳා ආවෙ අම්මයි තාත්තයි එක්ක මල ගෙදරට.


දැං සඳා අපේ කට්ටිය එක එකා වසයෙං දෙමාපියන්ට අඳුන්වලා දෙනව . . . අම්ම නං කලිං ඉඳලම කිරාගෙයි සඳාගෙයි මේ පටලැවිල්ල දන්නව . . . ඉතිං සඳා සහ සඳාගෙ අම්ම මේ මලගේ ඉතා වටිනා අවස්තාවක් කරගත්ත කිරාව සඳාගෙ තාත්තට අඳුන්වල දෙන්න.


මේ සැලසුමේ මුල් පියවරක් විදියර කිරාව තමයි මුලිංම තාත්තට අඳුන්වල දෙන්නෙ. දැං කිරා තමයි සඳාගෙ දෙමාපියන්ගෙ නිල සංග්‍රාහකය . . . බීම ගේනව . . . කැමට එක්ක යන්න හදනව . . . ඒ අතර එක එක බන පද යොදාගනිමින් ජීවිතයෙ අනිත්්‍ය බව සාඛච්චා කරනව . .  එක කෙලියයි එතන . . . .


කිරා ඔය විදියට සඳාගෙ තාත්තගෙ වටේ දැවටි දැවටි ඉන්න අතරෙ සඳා අනිත් යාලුවංවත් තාත්තට අඳුන්වල දෙනව . . .
තාත්තෙ මෙයා "හූන"
තාත්තෙ මෙයා "පපා"
තාත්තෙ මෙයා "වැලා"
තාත්තෙ මෙයා "දනා"
එස්සෙට් රා . . .  එස්සෙට් රා . . . .
ඔහොම යද්දි තමයි මෙ "ඕනයගෙ" වාරෙ ආවෙ . . . 
සඳා ඕනය වත් එක්කං ගියා තාත්ත ගාවට  . . . . ඕනය කියන්නෙ "ඕනමැන්ටල්" කියන එක කෙටි කරල නෙ . .  සමහරු තවත් කෙටි කරල "ඕනෙ" කියල විතරක් කියනව . . .
ඉතිං සඳා තාත්තට ඕනයාව පෙන්නල කිවුව . . .
තාත්තෙ මෙයා "ඕනෙ"


තාත්ත බැලුව කොල්ලගෙ දිහා . . . උඩ සිට පහලට . . . වමේ සිට දකුනට . . .  විකර්න දිගේ . . . හ්ම් . . . තනියම හිතුව . . .


"ඇති යන්තං . . . පු‍ටු කකුලකටවත් දීගන්න බැරුව හිටි එකී . . . කොල්ලෙක් ලඟටම ගෙනල්ල ඌව ඕනෙ කියනව . . . මම ගොඩ"


ඔන්න ඔහොම තමා සඳාලැයි තාත්ත . . .  ඕනයට කැමති උනේ . . . .

                              මේ ඉන්නේ . . . ඒ ඕනයා ය . . . .