11.04.2013
ඔපීසියෙ දීය
සැප වේවා !
හිතවත් ඔබ්සර්වර් අයියා වෙතයි.
ඔබා අයියේ, ඉතිං උඹේ සැප දුක් කෙසේද ? ඉන්නා තැනක ආතල් එකේ සිටී යයි සිතමි (එහෙම නොවුනොත් ඒ උඹ නෙමේය). අපිනං උඹේ කොමෙන්ට් එකක්, පෝස්ට් එකක් දකින්නට කියවන්නට නැති සාංකාවෙන් සිටිමු.
උඹ ඩිංගක් එහා මෙහා වෙච්ච හැටියේ හරි හරි දේවල් බ්ලොග් අවකාසෙ සිද්ද උනාය, එවුවා මෙතන කතා කරීමෙන් සත පහක වැඩක් නෑය, අරමක්කදැයි කීවොත් මම මේ ලිපිය ලියන්නේ උඹට වෙන ඕපා දූපයක් කියන්න නිසාය.
අන්තිම පේලිය කියන එකේ හිටි කුජීත සෙට් එක උඹට තාමත් මතක ඇත්තේයයි සිතමි. උංටික අමුතුම ගේමකට සෙට් වෙන විත්තිය මට කනිං කන ආරංචි උනේය. උඹ අපිව දාලා ගිහිං අවුරුද්දකින් විතර කිසිම ආරංචියක් තාමත් නැති එකේ අන්තිම පේලියේ එවුං උඹ වෙනුවෙන් ලේ දන්දීමක් සැට් කරන්න හදනවාය. ඒ හෙට අනිද්දා 28වෙනිදාය. ටක්කෙටම කීවොත් සයිබර් උලෙලට පහු වීක් එන්ඩ් එකේදීය.
තාමත් ඔබ්සර්වර් කියා එකෙක් සිංහල බ්ලොග් කෙටූ විත්තිය මතක ඇති එවුං එදාට ඒපැත්තෙ එන්න අම්බානකම ඉඩකඩ ඇතිය.
අප්රේල් 28වෙනිදා උදේ 9.00ට විතර වැල්ලවත්ත අයි.බී.සී. පන්සල පැත්තෙ ආවොත් සෙට් එක බෙල්ල මුලින්ම අල්ලාගන්න ඇහැකිවෙන්නේය.
මීට
හිතවත්
ඕනමැන්ටල් මලයා
ප.ලි.
අරුං මදි නොකියන්න බැනර් තොගේකුත් හදලාය. පහලිං ඇත්තේ ඒවායිං එකක්ය
