කොපු දාල ගැහුවාම කිසි ආතල් එකක් නෑ අයියා . . . .

“කොපු දාල ගැහුවාම කිසි ආතල් එකක් නෑ අයියා . . . .”

එහෙම කියපු ප්‍රසාද් මල්ලි හරියටම ඊට සති දෙකකට විතර පස්සෙ ඇවිල්ල මගෙන් අහනව,

“අයියා, කෙල්ල ප්‍රෙග්නන්ට්ලු, මාර අවුල. කොහොම හරි ගොඩදාල දියං”

කතාව මේකයි, ප්‍රසාද් කියන්නෙ මගෙත් එක්ක වැඩ කරපු මල්ලි කෙනෙක්. ඌ සෑහෙන්න ගෑනු පටලැවිලි අදාගෙන හිටියෙ ඒවෙද්දි. වෙන එකක් තියා ඌ ඒවෙද්දි බාල වයස්කාර කෙල්ලෙක් පැහැරගෙන ගිහිං අපහරනය කලා කියල රිමාන්ඩ් එකේ පවා ඉදල තිබුනෙ. මොනව උනත් ඌ නෙමේ උගෙ පුරුදු අතෑරියෙ. අනිත් කාරනේ තමයි ප්‍රසාද් මල්ලි කියන්නෙ අරක්කු බොනකොට මේසෙ වටේට තනකොල වැවෙනව කියල මැවිල පේන ජාතියෙ එකෙක්. ඊටපස්සෙ ඌට ගොනෙක් නැතුවම බෑ. ඔන්න මිනිහගෙ තත්වෙ.

ඔහොම ඉද්දි ඌට ඉතාලියෙ ඉඳල ආපු කෙල්ලෙක් සෙට්වෙනව උගෙ ගම්පලාතෙම. ඒ විස්තරේ ඌ මට කියද්දි තමා මම කීවෙ “මොනව උනත් පරිස්සමෙන් මල්ලි, කොපුවක් නොදානං වැඩේට යන්නම එපා” කියල. මම එහෙම කීවෙම මම මිනිහ කවුද කියල හොදටම දන්න නිසා සහ කෙල්ල ගැන හොද ආරංචි ටිකක් ඒවෙද්දිම අපිට ලැබිල තිබුන නිසා. කොහොමහරි අන්තිම ප්‍රතිපලේ තමයි සති දෙකකට විතර පස්සෙ ඌ ඇවිල්ල මට කියල ඇඩුවෙ ඌව බේරගන්න කියල. ඒත් ඒවෙද්දි මම ඒදේවල් වලට උදවු කරන එක නවත්තල නිසා මම ඌට උදවු කරන්න ගියෙ නෑ. අවසානෙදි ඌ ඒ කෙල්ලව කසාද බැන්ද. පස්සෙ කාලෙක තමයි හැමෝම දැනගත්තෙ කෙල්ල ඌට සෙට්වෙද්දිත් කෙල්ල වටේ දුවනව සහ කෙල්ල මූට සෙට්වෙලා තියෙන්නෙත් කොහොමහරි මූට කොක්ක ගහන්න කියල. කෙල්ල දැනං ඉදල තියනව මූ මොන වෙලාවෙ හරි වැඩේ මිස්ෆයර් කරගන්නව කියල. ඒ දේවල් දැනගත්තහැටියෙම ඌ අඩ අඩ මට කිවුවෙ “අයිය කියපුදේ ඇහුවනං මට අද මෙහෙම වෙන්නෙ නෑ” කියල.

අවසාන ප්‍රතිඵලේ තමයි මෝල් වෙච්ච වෙලාවෙ රුපියල් 35ක් දීල කොන්ඩම් පැකට් එකක් නොගත්ත හේතුව නිසා ඌ දැං වටේ දුවන (ආරංචි හැටියට තාම එහෙමයි) කෙල්ලෙක් කසාද බැදගත්ත එක.

මේ කතාව මම කියන්න හේතුව තමයි එක්තරා කාලෙක මම ස්වේච්චා සේවකයෙක් විදියට වැඩ කරපු තැනකදි මට මුනගැහුන සහ අදටත් කිසිම අඩුවක් නැතුව මුනගැහෙන සෑහෙන පිරිසක් මූනදීල ඉන්න තත්වෙ ඕක නිසා. මගෙ ගාව සංඛ්‍යාලේඛන නැතිඋනත් මම පැහැදිලිව දන්න දෙයක් තමයි ගොඩක් ජෝඩුවලට හෝටල් කාමරේකට ගිහිල්ල වැඩේ කරගන්න ලැජ්ජාව නැතිඋනත් ඒ අයට පාමසියකට ගිහිල්ල කොන්ඩම් පැකට් එකක් ඉල්ලන්න ලැජ්ජයි. එහෙමත් නැත්තං දන්නෙ නෑ. ඒ ලැජ්ජාවෙ හෝ නොදන්නාකමේ අවසාන ප්‍රතිඵලය තමයි ඔලුව ගිනිඅරගෙන ඇබෝශන් කරන තැන් හොයාගෙන යනඑක.

ඇත්තටම මොකටද නේද බොරුවට ජීවිත අනතුරේදාගන්නෙයි අර කලිං කියපු ප්‍රසාද් මල්ලි කරගත්ත මගේ අනාගතේ අඳුරුකරගන්නෙයි ? කරන්න තියෙන්නෙ සුටුස් ගාල පාමසියට ගිහිං කොපු පැකට් එකක් ගන්න එකනෙ, නැද්ද හා ???

උපත්පාලන කොපු

කොන්ඩම් ජාතිනං හැටහුටහමාරක් කඩේ විකුනන්න තියනව, ඒත් මම හිතන්නෙ කවුරුහරි ගන්නවනං ගන්න ඕනෙ ජාතිය එහෙමත් නැත්තං බ්‍රෑන්ඩ්එක ගැන පොඩි වැටහීමක් තියනවනං හොඳයි. ප්‍රීති සහ සතුට කියන ජාති දෙක විතරයි ශ්‍රී ලංකා සෞඛ්‍ය බලධාරීන් අනුමත කරල තියෙන්නෙ. ඒවගෙත් වර්ග දෙකක් තියනව ප්ලේන් සහ ස්ටඩඩ් කියල. ප්ලේන් කියන්නෙ ලිහිසි ද්‍රව්‍ය (ලුබ්‍රිකන්ට්) යොදපු නිකම්ම නිකං රබර් කොපු ජාතියක්. ස්ටඩඩ් කියන්නෙ කොපුවෙ මතුපිට රලු වෙන විදියට කුඩා ගැටිති (එවුව මොකටද කියල මගෙන් අහන්න එපා) තියන ජාතියක්. මේ ජාති දෙකම ශ්‍රී ලංකා සෞඛ්‍ය බලධාරීන් අනුමත කරල තියන නිසා ආරක්ශාව (ලීක්වීම, පිපිරීම වැනි) අතින් නං කිසිම බයක් නැතිඋනත් ඒවගෙ තියන අප්සෙට් රබර් ගඳ තමා පොඩිඩක් උහුලන්න අමාරු.

එහෙම ගඳ ප්‍රශ්නයක්වෙන අයට පාවිච්චි කරන්න යමක් තියෙන්නත් එපැයි. ඒ අය වෙනුවෙන් තමයි ෆ්ලේවර්ඩ් කොන්ඩම් තියෙන්නෙ. බනානා, ස්ට්‍රෝබෙරි, ඇපල් වගේ සුවඳ සහ රස ගනනාවකින් තියනව. 

මම මෙතන බ්‍රෑන්ඩිං ගැන කියන්න අදහසක් නැති නිසා ඒ ජාති දෙකට අමතරව වෙන ජාතිවල නම් කියන්න යන්නෙ නෑ. වෙලඳපලේ තියන ජාතිටික ගැන විතරක් කිවුවොත් ප්ලේන්, ස්ටඩඩ් (ස්ටඩඩ් වර්ග ගනනාවක් තියනව) සහ ෆ්ලේවර්ඩ් ඒවට අමතරව මේ ලගදි ලංකාවට අඳුන්වල දුන්න වයිබ්‍රේටිං ටයිප් එකකුත්. කොපුව හදල තියන මෙටීරියල් එකේ කරල තියන වෙනස්කම් වලට අමතරව වෙනත් ජාතියකට කියල තියෙන්නෙ “ඩිලේ” කොන්ඩම් විතරයි. නමින්ම තේරෙනවනෙ මොකද්ද සීන් එක කියල. ලංකාවෙ මම දන්න විදියට ඩිලේ කොන්ඩම් බ්‍රෑන්ඩ් තියෙන්නෙ ජාති දෙකයි. ඔය කියපු ඕනෙම ටයිපු එකක් බ්‍රෑන්ඩ් නේම්එක කියන්නෙ නැතුව ඉල්ලුවාම ලැබෙනව.

ඊ.සී.පී.

කොන්ඩම් පැකට් එකක් ගත්තම ඒකෙ තියෙන්නෙ කෑලි 3යිනෙ. ඒක ඉවරඋනාම කරන්නෙ මොකද්ද ??? කෙල්ලව කාමරේතියල කඩේට යනවද ?? නැත්තං හෝටලේ රූම්බෝයිගෙන් රුපියල් 50ක් හෝ 100ක් දීල ප්‍රීතියක් ගන්නවද ?? (ඒක ඩේ රූම්වල විතරක් තියන පහසුකමක්) එහෙමත් නැත්තං ඔන්න ඔහෙ ඕනෙ දෙයක් කියල රේන්කෝට් නැතුවම වැඩේට බහිනවද ??? ඔය කියපු ඔප්ශන් තුනෙන් තුන්වෙනි ඔප්ශන් එකට යන අයට ගැලවීම සඳහා තියෙන්නෙ පොස්ටිනෝර් 2 එහෙමත් නැතිනම් ඊ.සී.පී. කියන පෙති දෙක. අනාරක්ශිත ලිංගික එකතුවීමකින් පසු පැය 72ක් ඇතුලත ගන්න ඕනෙ හැබැයි පරක්කු වෙන්න වෙන්න සාර්තකත්වය අඩුවෙනව. මම දන්න විදියට 2%ක් අසාර්තකයි (මගෙ මල්ලිත් ඉන්නෙ ඒ 2% ඇතුලෙ, දැං අවුරුදු9ක දුවෙක් ඉන්නව).

මේකෙන් කෙරෙන්නෙ යෝනි මාර්ගයට ඇතුල් උන ශුක්‍රාණු බාහිර ද්‍රව්‍යයක් විදියට සලකල ඉවත් කරන එක. මොනව උනත් නිතර දෙවේලේ ගන්න ගියොත් ස්ථිර බලපෑම් ඇතිවෙන්න පුලුවං. මොකටද නේද ටෙම්පරි සොමියකට ජීවිත කාලයක් අඩන්නෙ ??

වෙන දෙයක්?

කොන්ඩම් එකත් මිස්වෙලා, පොස්ටිනෝර් 2 එකත් මිස් උනොත් වෙන කරන්නම දෙයක් නැද්ද ??? නෑ නෙමෙයි තියනව. පෙති ජාතියක්. මොනම හේතුවකටවත් මගෙන් ඒකෙ නම අහන්න එපා. ඒ ටැබ්ලට් එක ලංකාවෙ විකුනන්න තහනං, ඒත් විකුනනව.

ඇබෝශන්

මම කතාකරන්න අකමැතිම මාතෘකාවක්. ඒ නිසා මම මොකුත් කියන්නෙ නෑ

අවසානයට

මම බලාපොරොත්තු උනේ උපත්පාලන පෙති, ලූප් වගේ විසදුම්වලට යන්න අමාරු අය පොඩියක් දැනුවත් කරන එක සහ වඩා සරලම විසදුම ගැන පොඩ්ඩක් කියන්න මිසක් උපත් පාලනය ගැන තෙලක් බෙදන්න නෙමේ. ඒක නිසා “වෙන දෙයක්” කියන කොටසෙ වැඩි විස්තර නෑ. අනික කොන්ඩම් මාකටිං කරන්නත් බලාපොරොත්තුවක් නැති නිසා ඒ ගැනත් ඔයිටවඩා දෙයක් කියන්නෙ නෑ.