තිස් හතරක් කීවාම සෙල්ලංද . . . ???

අදට ඉතිං මට වයස අවුරුදු තිස් හතරක් වෙනව නෙ . . . .  මීට කලිං කවදාවත් නැති විදියට මූනු පොතේ සුභ පැතුම් පිරිල තිබුන . . . .  උදේ 8.00ට රාජකාරියට වාර්තා කරල මුලින්ම කරන රාජකාරිය වශයෙන් මූනු පොතේ අප්ඩේට් ටික දාන්න ගත්තට පස්සෙ දැං තමා (දවල් 12.40ට) පොඩි නිදහසක් ලැබුනෙ මගෙ බ්ලොගේ පෝස්ට් කෑල්ලක් කොටන්න. ඒකෙ තේරුම තමා මම තාම අද දවසට අදාල රාජකාරි වලට අත තියල නෑ කියන එක . . . .  


අද මගෙ උපන්දිනේ වගේම කතන්දරගෙ බ්ලොගෙත් උපන්දිනේ . . . .  තව ලසියගෙ උපන්දිනෙත් අද . . . .  අන්තිම පේලියෙ ශැගියගෙ උපන්දිනෙත් අද . . . . ඉතිං මාරයි නේද අද දවස . . . . (හික්ස් . . .  කාට නැතත් මට නං මාරයි)


අවුරුදු 34ක් තිස්සෙ කරපු කියපු දේවල් ගැන ටිකක් විතර හිතල බැලුවම දුක් වෙන්න දේවල් වගේම ඊටත් වඩා සතු‍ටු වෙන්න දේවල් තියනව. මම ඒ දේවල් ලිස්ට් කරන්නෙ නෑ . . .  
උපන්දින ප්‍රීතිය කොහොම උනත් අද මට ගොඩක් දුක් වෙන්න කාරනාවකුත් යෙදිල තියනව. ඒ මම හරි හමන් විදියකට කියල රස්සාවක් කරපු . . . .  මගෙ ජීවිතෙන් කොටසක් වෙලා තිබුන සිලෝන් ෆ්‍රෙශ් සී ෆුඩ් ආයතනයේ සේවය අහවර කරන්න තීරනය කිරීම. අද උදේම ටයිප් කරපු ඉල්ලා අස්වීමේ ලිපිය තාම මගෙ කොම්පියුටරේ මොනිටරේට වෙලා හිනා වෙවී මා දිහා බලං ඉන්නව . . .  ප්‍රින්ට් කරන්න හිතනකොටත් හිතට මහ මොකද්ද වගේ . . . .  ඒත් කරන්න වෙන දෙයක් නෑ . . . .  මම මෙතන අවුරුදු හයක්ම රස්සාව කලා නෙ . . .  දැං හොඳටම ඇති . . . .  


ආයෙත් උපන්දිනේට . . . . . 
පෝස්ට් එක ඉවරකරන්න තියෙන්නෙ මාරය මට එවල තිබුන කවි දෙකකින් . . . . 



අල්ලාගෙන අතේ තිබෙනා බෝතලය..
පුරවන ගමන් ඒකෙන් මේ වීදුරුව..
මන්දය වගේ බලනා මුගෙ අපූරුව..
තව වසරක් අද නාකිය උනා උඹ..


වැඩි වැඩියෙන් රහමෙර වඩි ලැබෙන්නයි..
තවත් හොදින් දස අත කොටු පනින්නයි..
ඊටත් වඩා ගෙයි සාමය රැකෙන්නයි..
මේ වසරෙත් බොට ඉර හඳ පායන්නයි..