රස්සාවට අයිස් ගැහීම

බ්ලොග් එකක් තිබ්බද කියලත් මතක්වෙන වෙලාවල් නැතුවම නෙමේ ඒත් අලුතින් යමක් ලියන්න කෝ කාලයක් ??? වැඩ වැඩ වැඩ

මේ දවස්වල අලුත් තැනක වැඩ කරන නිසා වැඩ කොහොමත් අධිකයි. මේ තියෙන්නෙ මගෙ දවසේ රාජකාරි රූටින් එක,

උදේ 8.30ට - රාජකාරියට වාර්තා කිරීම (ඔෆිස් අරින්නෙ උදේ 9.00ට ඒත් දොරේ යතුර මගෙ අතේනෙ)

උදේ 8.35ට විතර - කොම්පියුටරේ වැඩ ඇල්ලීම ෆේස් බුක් සමග

උදේ 9.00ට විතර - උදේ කෑම

උදේ 9.15ට විතර - ෆේස් බුක් සමග අනිකුත් අන්තර්ජාල වැඩ

දවල් 1.30ට විතර - දවල් කෑම (ක්වාටස් එකේ)

දවල් 2.00ට විතර - පොඩි නින්දක් (ක්වාටස් එකේ)

දවල් 3.00ට විතර - ෆේස් බුක් සමග අනිකුත් අන්තර්ජාල වැඩ (ඒ වෙලාවට නැගිට්ටොත්)
හවස 5.00ට විතර - ඩියුටි ඕෆ්

ඔය හවස 5.00ට තියන ඩියුටි ඕෆ් එක සමාර දවස්වල හවස 6.00 විතර වෙනව අන්තර්ජාලයේ පවතින තත්වය අනුව.
ඔන්න ඔහොම තමා මගෙ සතියෙ දවස් පහක (05)ක බිසී ශැඩූල් එක. ඉතිං කෝ බ්ලොග් එක දිහා බලන්නවත් වෙලාවක් ??
මම පෙර ආත්මෙක කරපු මොකක්දෝ පවක් නිසාවෙන්න ඇති මට ලැබෙන හැම රස්සාවම මේ වගේ (දැං මම මේ වැඩ කරන්නෙ 2005 ඉදල ගත්තාම 6වෙනි කොම්පැනියෙ :)

මේ විදියට මහන්සි වෙන අපිට වැටුප් ගෙවීමට අමතරව කලගුන සැලකීමක් විදියට හැම මාසෙකටම වතාවක් කොම්පැනිය ගානෙ පොඩි පික්නික් එකක් වගේ එකක් (day outing) දෙනව.

මේ අන්තිම අවුටිං එකේදි :) උනවටුන බලා යන ගමන්

ඉතිං ඔන්න ඔහොමයි මගෙ රාජකාරි කටයුතු කෙරීගෙන යන්නෙ.

මේ විස්තරේ මට කියල දාන් හිතුනෙ මේ ලගකදි මට කියවන්න ලැබුන කතාවක් නිසා
මෙන්න එහෙනං තොරනෙ විස්තරේ

දවසක් බුවෙක් ආවලු කොම්පැනියක ඉන්ටවිවු එකකට
H.R. මැනා බුවාව ඉන්ටවිවු කරල සැටිස් වෙච්ච නිසා බුවාව සිලෙක්ට් කරගන්න හිතාගෙන අවසන් ප්‍රශ්න ටික ඇහුවලු
H.R. මැනා: ඔයාට ඇලජික් කෑම බීම එහෙම මොකුත් තියනවද ?
බුවා: ඔවු සර්, මට තේ, කැෆේන් ඇලජික්

H.R. මැනා: ඔයා කලින් වැඩ කලේ කොහෙද ?
බුවා: ආමි එකේ හිටියෙ සර්

H.R. මැනා: හ්ම් . . . ඔයාට ඒ නිසා අමතර ලකුනු 5ක්ම ලැබෙනව. මට කියන්න ඔයාට යුද්දෙදි මොකුක් ආභාධ එහෙම සිද්ද උනාද?
බුවා: ඔවු සර්. මම දවසක් ඩියුටි ඕෆ් වෙලා එද්දි අපි ආපු බස් එක ක්ලේමෝ එකකට අහුඋනා. ඒකෙන් මගෙ වෘෂණ කෝෂ සම්පූර්නයෙන්ම විනාශ වෙලා ගියා

H.R. මැනා: හරි ඒක එහෙම නං ඔයාව අපි අදම වැඩට ගන්නව. ඔයා කැමති නං හෙට උදේ ඉදල වැඩට එන්න පුලුවං
බුවා: හරි සර්. මම කීයටද එන්න ඕනෙ?

H.R. මැනා:අපි වැඩ පටන්ගන්නෙ නං උදේ 8.00ට. ඒත් ඔයා උදේ 10.00ට ආවාම හොදටම ඇති. හෙට විතරක් නෙමේ අනිත් දවස්වලත් උදේ 10.00ටම එන්න. ඔයා උදේ 10.00ට ආවට ඔයාගෙ පඩිය හැදෙන්නෙ උදේ 8.00 ඉදල
බුවා: (හොල්මන් වී) ඒ ඇයි සර් ඒ ?

H.R. මැනා: අපි කොහොමත් උදේ පලවෙනි පැය දෙකම කරන්නෙ ඇට කස කස තේ බොන එකනෙ. . .  ඉතිං ඔයා ඒ වෙලාවට වැඩට ඇවිල්ල වැඩක් නෑ

http://open.salon.com/blog/z_bitch/2009/01/08/very_inappropriate